Şriftin ölçüsü :

Saytın rəngi :

Tədbirlər planına əsasən 20 Yanvar faciəsinin 28-ci ildönümü ilə bağlı silsilə tədbirlər keçirilir

20 yanvar 2018 | 11:00
    Pirallahı rayonunda 20  Yanvar faciəsinin 28-ci  ildönümü ilə bağlı Rayon İcra Hakimiyyəti tərəfindən tərtib edilmiş tədbirlər planına əsasən silsilə tədbirlər keçirilir. Pirallahı rayonunun orta məktəblərində Qanlı Yanvar faciəsinə həsr edilmiş foto stendlər düzəldilmiş, anım mərasimləri, inşa yazıları, rəsm, şer müsabiqələri keçirilir.
    19 yanvar 2018-ci il tarixdə Pirallahı Rayon İcra Hakimiyyətinin təşkilatçılığı ilə Vaqif Mustafazadə adına Mədəniyyət Mərkəzində 20 Yanvar  faciəsi ilə bağlı tədbir keçirildi. 
    Tədbirdə çıxış edən Pirallahı Rayon İcra Hakimiyyəti Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Vüsal Babayev qeyd etdi ki, 20 Yanvar hadisəsi xalqımızın tarixinə həkk olunmuş  ən qanlı faciələrdəndir. Keçmiş Sovet İmperiyası ordusu  qarşısına silahsız, əliyalın çıxaraq canlarından keçən 20 Yanvar şəhidləri müasir tariximizin  qəhrəmanları olmuşlar. Tarixdə bənzəri olmayan bu cür qəddarlıq və vəhşilik XX  əsrin sonunda dünyanın gözü qarşısında baş vermiş, əliyalın, dinc, mülki əhali  kütləvi qətliama məruz qalmışdır.  O zaman yalnız Ümummilli liderimiz Heydər Əliyev bütün çətinliklərə baxmayaraq siyasi iradə nümayiş etdirərək Moskvadakı Azərbaycan  nümayəndəliyinə gəlmiş və SSRİ  rəhbərliyinin törətdiyi bu cinayəti   qətiyyətlə  ittiham edərək  bəyanatla çıxış etmişdir. Azərbaycan rəhbərliyinə qayıdışdan sonra  Heydər Əliyevin təşəbbüsü ilə 1994-cu ilin yanvar ayında Milli Məclisdə Azərbaycan xalqına qarşı təcavüzkar olan faciəvi 20 Yanvar hadisələrinə siyasi  qiymət verdi. Bu faciəyə ilk hüquqi qiyməti Ulu öndər Heydər Əliyev vermiş, 20  Yanvar hadisələri haqqında həqiqətlərin dünya dövlətlərinə və beynəlxalq  ictimaiyyətə çatdırılması üçün təsirli tədbirlər görülmüşdür. Diqqətə çatdırıldı ki, 1990-cı ilin yanvar qırğını  nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi.  Həmin müdhiş gecədə həlak olan vətən oğulları  Azərbaycanın tarixinə parlaq səhifə yazdılar, xalqın milli azadlığı, müstəqilliyi üçün yol açdılar. Bu gün müstəqil Azərbaycan dövlətinin tarixinə qanlı 20 Yanvar  faciəsi xalqımızın şərəf və qəhrəmanlıq səhifəsi kimi yazılmışdır.
     Sonra tədbir bədii hissə ilə davam etdirildi. Rayon məktəbliləri 20  Yanvar faciəsi ilə bağlı şeirlər söylədilər, səhnəciklər göstərdilər.
 
 
Keçidlər