Pirallahı rayon Qarabağ müharibəsi əlilləri, veteranları Prezidentə müraciət etdilər

Möhtərəm cənab Prezident.

Sizin Ali Baş Komandanı olduğunuz Azərbaycan Ordusunun işğal edilmiş torpaqlarımızın azad olunması uğrunda erməni faşistlərinə qarşı apardığı müqəddəs mübarizə hər birimizdə dərin fəxr və qürur hissi yaşadır.

Mən öz adımdan və sədri olduğum Qarabağ Müharibəsi Əlilləri, Veteranları və Şəhid ailələri İctimai Birliyinin Pirallahı rayon şöbəsinin hər bir üzvü adından Sizə, döyüşlərdə iştirak edən əsgərlərimizə və zabitlərimizə göstərdikləri rəşadətli igidliyə görə təşəkkürümü bildirirəm.

Biz, Pirallahı rayon Qarabağ müharibəsi əlilləri və veteranları müqəddəs torpaqlarımızı azad etmək üçün Sizin əmrinizi gözləyirik. Bir sözünüz kifayətdir ki, torpaqlarımızın azadlığı uğrunda düşmənlə üz-üzə dayanaq. Bizlər torpaqlarımızın müdafiəsinə həmişə hazırıq.

Ali Baş Komandan, biz bu müqəddəs yolda şəhid olan əsgərlərimizə Ulu Tanrıdan rəhmət diləyir, Sizə və rəşadətli Ordumuza qələbələr arzulayırıq.

Azərbaycanın apardığı bu haqq mübarizəsində, inanırıq ki, Sizin rəhbərliyinizlə hələ çox qələbələr çalınacaq.

Tanrı Sizi və şanlı Azərbaycan Ordusunu qorusun.

Hörmətlə,

Pirallahı rayon Qarabağ müharibəsi əlilləri, veteranları adından

Oruc Mustafayev

Azərbaycan Respublikası, Bakı şəhəri, Pirallahı rayonu.