Azərbaycan yığması İlk Avropa Oyunlarında 2-ci yeri tutdu
29 iyun 2015 | 10:00
İyunun 12-də start verilən Bakı-2015 Birinci Avropa Oyunları dünən möhtəşəm Bakı Olimpiya Stadionunda təmtəraqlı bağlanış mərasimi ilə sona çatdı. Azərbaycan və Avropanın idman ictimaiyyəti üçün tarixi bir an olan və dünyanın aparıcı bədii, yaradıcı və texniki heyətlərinin təşkil etdiyi bu mərasim müxtəlif yönləri ilə kreativ, ruhlandırıcı və yaddaqalan oldu.
Mərasimdə ənənəvi və müasir Azərbaycan mədəniyyətinin birliyi tamaşaçıların diqqətinə çatdırıldı. Tədbirin transformasiya hissəsində üç nəhəng heykəl səhnədə müşahidə olunmağa başlandı. Bu səhnəciyin sonunda Qız qalasının divarları aralandı və onun içərisində Alov qüllələri peyda oldu. Bununla da tamaşaçılar keçmişin müasir dövrü necə formalaşdırdığının və gələcəyə hansı təsirdə təsir göstərdiyinin şahidi oldular.
Sonra idmançılar kütləvi şəkildə stadiona daxil oldular. Mərkəzi səhnə ətrafında addımlayaraq tribunalarda onlar üçün xüsusi ayrılmış yerlərə keçdilər. Məlumat üçün bildirək ki, 17 gün davam edən yarışlarda 6 mindən çox idmançı 253 medal dəsti uğrunda mübarizə apardı. Medal cədvəlində ilk üç sırada Rusiya, Azərbaycan və Böyük Britaniya qərarlaşdı.
Daha sonra Bakı 2015 Avropa Oyunları Təşkilat Komitəsinin sədri və Azərbaycanın birinci xanımı Mehriban Əliyeva qonaqları salamladı və tədbirin açılış nitqini söylədi. İri miqyaslı idman tədbirinin ərsəyə gəlməsində əməyi keçən hər kəsə təşəkkürünü bildirən Mehriban Əliyeva birinci Avropa Oyunlarının Azərbaycanda keçirilməsindən qürür hissi duyduğunu dedi.
Daha sonra çıxış edən Avropa Olimpiya Komitələrinin prezidenti Patrik Hikki yarışların yüksək səviyyədə təşkil olunduğunu qeyd etdi.
Rəsmi çıxışlardan sonra tədbir müxtəlif səhnə quruluşları ilə davam etdi. Gəncliyin enerjisi bölməsində rəqqas hərəkətləri ilə səhnədə enerji qığılcımı yaratdı. Güclü enerji onun bədənindən keçərək onu daha da hərəkətə gətirdi. Rəqqas bu enerjini əvvəl rəqqasəyə, daha sonra isə başqalarına ötürdü. Bu ifaçılar əllərində olan işıqlı altıbucaqlarla səhnə boyunca hərəkət edərək burada Bakı 2015-in rəmzi olan nar ağacının qrafik obrazını yaratdılar.
Daha sonra Oyunlardan əsas məqamların əks olunduğu video görüntü tamaşaçılara təqdim olundu. Bunun ardınca isə səhnədə simurq quşu möhtəşəm şəkildə canlandırıldı.
Sonrakı bölmədə stadionun üstündən tamaşaçıların üzərinə yadigar kimi saxlaya biləcəkləri yanar közlər buraxıldı. Əlli iştirakçı dövləti təmsil edən 50 uşaqdan biri Oyunların alovu ilə çırağını yandırdı və alovu başqa uşaqlarla bölüşdü. Sonra uşaqların çıraqlarını ən aşağı halqasından asdıqları nəhəng çılçıraq səmaya yüksəldi.
Dünyaca məşhur müğənnilər Con Nyumən və Klin Banditin ifa etdikləri mahnıların sədaları altında tədbir, Bakı səmalarını bəzəyən və işıqlandıran möhtəşəm atəşfəşanlıqla başa çatdı.
Qeyd edək ki, bağlanış mərasiminə bədii rəhbərliyi Ceyms Hedli etdi. O, “Cirque du Soleil” sirkinin Şimali Amerikada və qastrol səfərlərində göstərdiyi möhtəşəm şouların bədii direktoru olub.
Mərasimin təşkilində əksəriyyəti azərbaycanlılardan ibarət 1600-dan çox könüllü iştirak edib. Eyni zamanda 17 ölkədən də könüllülər bu işə cəlb olunub. Bu tədbirin ərsəyə gəlməsi istiqamətində könüllülər 400 dəfədən çox məşq ediblər.
Mərasimin təşkilinə 28 ölkədən 300 nəfərdən çox yaradıcı heyət və 34 ölkədən müxtəlif sahələrdə ixtisaslaşmış 1000 mütəxəssis cəlb olunub.
Avropa tarixində ilk dəfə keçirilən oyunlara 17 gün ərzində Azərbaycan ev sahibliyi edib. Qeyd edək ki, medal cədvəlində Rusiya yığması lider oldu. O, 79 qızıl, 40 gümüş, 45 bürünc medala sahib oldu. İlk “üçlük”də Böyük Britaniya yığması da yer aldı. 29 medal qazanan qonşu Türkiyə 14-cü pilləylə kifayətləndi. Azərbaycan yığması isə 21 qızıl, 15 gümüş, 20 bürünc (cəmi 56) medalla qeyri-rəsmi komanda hesabında 2-ci yeri tutdu. Bu yarışlarda ən uğurlu idman növlərindən bizim üçün güləş yarışları oldu. Azərbaycan güləşçiləri 6-ı qızıl, 2-i gümüş və 7-i bürünc medal qazandılar. Ümumilikdə isə Bakı-2015-də 844 medalın sahibi bəlli oldu. Eyni sayda 253 qızıl və gümüşlə yanaşı, 338 bürünc mükafat oynanıldı. Bunlara 50 iştirakçı ölkədən 42-nin idmançıları yiyələndi. Onlardan 31-i çempionluq qazanmağı bacardı. Lüksemburq, Malta, Bosniya və Herseqovina, Andorra, Albaniya, İslandiya, Lixtenşteyn, və Monako isə Bakı-2015-i medalsız tərk etdi.
Qeyd edək ki, ilk Avropa Oyunlarına Pirallahı gəncləri də tamaşaçı qismində qatıldılar və öz fəallıqları ilə seçilirdilər. Yarışlarda tamaşaçı qismində iştirak edən rayon sakinləri qeyd etdilər ki, Birinci Avropa Oyunları Azərbaycan üçün xüsusi əhəmiyyət daşıyır və idman ölkəsi kimi tanınmaq üçün gözəl fürsətdir.
Mərasimdə ənənəvi və müasir Azərbaycan mədəniyyətinin birliyi tamaşaçıların diqqətinə çatdırıldı. Tədbirin transformasiya hissəsində üç nəhəng heykəl səhnədə müşahidə olunmağa başlandı. Bu səhnəciyin sonunda Qız qalasının divarları aralandı və onun içərisində Alov qüllələri peyda oldu. Bununla da tamaşaçılar keçmişin müasir dövrü necə formalaşdırdığının və gələcəyə hansı təsirdə təsir göstərdiyinin şahidi oldular.
Sonra idmançılar kütləvi şəkildə stadiona daxil oldular. Mərkəzi səhnə ətrafında addımlayaraq tribunalarda onlar üçün xüsusi ayrılmış yerlərə keçdilər. Məlumat üçün bildirək ki, 17 gün davam edən yarışlarda 6 mindən çox idmançı 253 medal dəsti uğrunda mübarizə apardı. Medal cədvəlində ilk üç sırada Rusiya, Azərbaycan və Böyük Britaniya qərarlaşdı.
Daha sonra Bakı 2015 Avropa Oyunları Təşkilat Komitəsinin sədri və Azərbaycanın birinci xanımı Mehriban Əliyeva qonaqları salamladı və tədbirin açılış nitqini söylədi. İri miqyaslı idman tədbirinin ərsəyə gəlməsində əməyi keçən hər kəsə təşəkkürünü bildirən Mehriban Əliyeva birinci Avropa Oyunlarının Azərbaycanda keçirilməsindən qürür hissi duyduğunu dedi.
Daha sonra çıxış edən Avropa Olimpiya Komitələrinin prezidenti Patrik Hikki yarışların yüksək səviyyədə təşkil olunduğunu qeyd etdi.
Rəsmi çıxışlardan sonra tədbir müxtəlif səhnə quruluşları ilə davam etdi. Gəncliyin enerjisi bölməsində rəqqas hərəkətləri ilə səhnədə enerji qığılcımı yaratdı. Güclü enerji onun bədənindən keçərək onu daha da hərəkətə gətirdi. Rəqqas bu enerjini əvvəl rəqqasəyə, daha sonra isə başqalarına ötürdü. Bu ifaçılar əllərində olan işıqlı altıbucaqlarla səhnə boyunca hərəkət edərək burada Bakı 2015-in rəmzi olan nar ağacının qrafik obrazını yaratdılar.
Daha sonra Oyunlardan əsas məqamların əks olunduğu video görüntü tamaşaçılara təqdim olundu. Bunun ardınca isə səhnədə simurq quşu möhtəşəm şəkildə canlandırıldı.
Sonrakı bölmədə stadionun üstündən tamaşaçıların üzərinə yadigar kimi saxlaya biləcəkləri yanar közlər buraxıldı. Əlli iştirakçı dövləti təmsil edən 50 uşaqdan biri Oyunların alovu ilə çırağını yandırdı və alovu başqa uşaqlarla bölüşdü. Sonra uşaqların çıraqlarını ən aşağı halqasından asdıqları nəhəng çılçıraq səmaya yüksəldi.
Dünyaca məşhur müğənnilər Con Nyumən və Klin Banditin ifa etdikləri mahnıların sədaları altında tədbir, Bakı səmalarını bəzəyən və işıqlandıran möhtəşəm atəşfəşanlıqla başa çatdı.
Qeyd edək ki, bağlanış mərasiminə bədii rəhbərliyi Ceyms Hedli etdi. O, “Cirque du Soleil” sirkinin Şimali Amerikada və qastrol səfərlərində göstərdiyi möhtəşəm şouların bədii direktoru olub.
Mərasimin təşkilində əksəriyyəti azərbaycanlılardan ibarət 1600-dan çox könüllü iştirak edib. Eyni zamanda 17 ölkədən də könüllülər bu işə cəlb olunub. Bu tədbirin ərsəyə gəlməsi istiqamətində könüllülər 400 dəfədən çox məşq ediblər.
Mərasimin təşkilinə 28 ölkədən 300 nəfərdən çox yaradıcı heyət və 34 ölkədən müxtəlif sahələrdə ixtisaslaşmış 1000 mütəxəssis cəlb olunub.
Avropa tarixində ilk dəfə keçirilən oyunlara 17 gün ərzində Azərbaycan ev sahibliyi edib. Qeyd edək ki, medal cədvəlində Rusiya yığması lider oldu. O, 79 qızıl, 40 gümüş, 45 bürünc medala sahib oldu. İlk “üçlük”də Böyük Britaniya yığması da yer aldı. 29 medal qazanan qonşu Türkiyə 14-cü pilləylə kifayətləndi. Azərbaycan yığması isə 21 qızıl, 15 gümüş, 20 bürünc (cəmi 56) medalla qeyri-rəsmi komanda hesabında 2-ci yeri tutdu. Bu yarışlarda ən uğurlu idman növlərindən bizim üçün güləş yarışları oldu. Azərbaycan güləşçiləri 6-ı qızıl, 2-i gümüş və 7-i bürünc medal qazandılar. Ümumilikdə isə Bakı-2015-də 844 medalın sahibi bəlli oldu. Eyni sayda 253 qızıl və gümüşlə yanaşı, 338 bürünc mükafat oynanıldı. Bunlara 50 iştirakçı ölkədən 42-nin idmançıları yiyələndi. Onlardan 31-i çempionluq qazanmağı bacardı. Lüksemburq, Malta, Bosniya və Herseqovina, Andorra, Albaniya, İslandiya, Lixtenşteyn, və Monako isə Bakı-2015-i medalsız tərk etdi.
Qeyd edək ki, ilk Avropa Oyunlarına Pirallahı gəncləri də tamaşaçı qismində qatıldılar və öz fəallıqları ilə seçilirdilər. Yarışlarda tamaşaçı qismində iştirak edən rayon sakinləri qeyd etdilər ki, Birinci Avropa Oyunları Azərbaycan üçün xüsusi əhəmiyyət daşıyır və idman ölkəsi kimi tanınmaq üçün gözəl fürsətdir.
Keçidlər
