Yüksək Texnologiyalar Parkında inşaat işləri davam etdirilir
23 dekabr 2015 | 11:00
Azərbaycan Respublikasının Prezidenti cənab İlham Əliyev 16 sentyabr 2013-cü il tarixində Yüksək Texnologiyalar Parkının yaradılması haqqında Azərbaycan Respublikası Prezidentinin 984 N-li Fərmanını imzalamışdır. Parkda resurs mərkəzlərinin yaradılması, kiçik və orta innovativ biznesin inkişafı, ixrac imkanlarının artırılması və informasiya-kommunikasiya texnologiyaları mütəxəssislərinin hazırlanması kimi vacib layihələrin həyata keçirilməsi planlaşdırılır.
Ölkə başçımızın müvafiq fərmanı ilə Yüksək Texnologiyalar Parkı üçün Pirallahı adasında 50 hektar ərazi ayrılmışdır. 2015-ci ilin əvvəlində Pirallahı Adasında YTP-nın ilkin tikintisi işlərinə başlanılıb və hazırda üç əsas istiqamətlər üzrə işlər aparılır. Ərazidə tikinti işlərinin yekunlaşması və Parkın tam tikilməsi 5 ilə nəzərdə tutulub.
Yüksək Texnologiyalar Parkın layihəsinə tikinti işləri dörd mərhələ üzrə aparılacaq. İlk mərhələdə burada inzibati ofis, təhsil, tədris mərkəzinin və kommersiya mərkəzinin yaradılması nəzərdə tutulur. Burada həmçinin, startupların ehtiyaclarına görə müasir laboratoriyalar və müəyyən test avadanlıqları da quraşdırılacaq. Bundan başqa Pirallahı Yüksək Texnologiyalar Parkının Tədris Mərkəzinin inşası nəzərdə tutulub. Mərkəzinin qurulması başa çatdıqdan sonra xarici ixtisaslaşmış məktəblərdən nümayəndələr dəvət olunacaq, startuplara qısa müddətli kurslar təşkil ediləcək. Hazırda xarici məktəblərlə bu istiqamətdə müvafiq danışıqlar aparılır.
Qeyd edək ki, artıq “Yüksək Texnologiyalar Parkı”nın hasarının çəkilməsi başa çatdırılmışdır, ərazidə layihəyə uyğun inşaat işləri aparılır, Shouroom (Nümayiş zalı) adlı ilk tikilinin inşası artıq yekunlaşıb. Yaxın vaxtlarda digər obyektlərin, o cümlədən tədris mərkəzinin, ofis binalarının və İnkubator idarəetmə ofisinin də təməlqoyma mərasimi planlaşdırılır. Hazırda YTP ərazisindən keçən yol gələcəkdə dəniz kənarına keçiriləcək və bu magistral xətt tamamilə Yüksək Texnologiyalar Parkına məxsus olacaq. Layihə tam fəaliyyətə başlayandan sonra Parkda 3 minə yaxın işçi çalışacaq.
Ölkə başçımızın müvafiq fərmanı ilə Yüksək Texnologiyalar Parkı üçün Pirallahı adasında 50 hektar ərazi ayrılmışdır. 2015-ci ilin əvvəlində Pirallahı Adasında YTP-nın ilkin tikintisi işlərinə başlanılıb və hazırda üç əsas istiqamətlər üzrə işlər aparılır. Ərazidə tikinti işlərinin yekunlaşması və Parkın tam tikilməsi 5 ilə nəzərdə tutulub.
Yüksək Texnologiyalar Parkın layihəsinə tikinti işləri dörd mərhələ üzrə aparılacaq. İlk mərhələdə burada inzibati ofis, təhsil, tədris mərkəzinin və kommersiya mərkəzinin yaradılması nəzərdə tutulur. Burada həmçinin, startupların ehtiyaclarına görə müasir laboratoriyalar və müəyyən test avadanlıqları da quraşdırılacaq. Bundan başqa Pirallahı Yüksək Texnologiyalar Parkının Tədris Mərkəzinin inşası nəzərdə tutulub. Mərkəzinin qurulması başa çatdıqdan sonra xarici ixtisaslaşmış məktəblərdən nümayəndələr dəvət olunacaq, startuplara qısa müddətli kurslar təşkil ediləcək. Hazırda xarici məktəblərlə bu istiqamətdə müvafiq danışıqlar aparılır.
Qeyd edək ki, artıq “Yüksək Texnologiyalar Parkı”nın hasarının çəkilməsi başa çatdırılmışdır, ərazidə layihəyə uyğun inşaat işləri aparılır, Shouroom (Nümayiş zalı) adlı ilk tikilinin inşası artıq yekunlaşıb. Yaxın vaxtlarda digər obyektlərin, o cümlədən tədris mərkəzinin, ofis binalarının və İnkubator idarəetmə ofisinin də təməlqoyma mərasimi planlaşdırılır. Hazırda YTP ərazisindən keçən yol gələcəkdə dəniz kənarına keçiriləcək və bu magistral xətt tamamilə Yüksək Texnologiyalar Parkına məxsus olacaq. Layihə tam fəaliyyətə başlayandan sonra Parkda 3 minə yaxın işçi çalışacaq.
Keçidlər
