Pirallahı rayonunda genişmiqyaslı abadlıq işləri həyata keçirilir

     Azərbaycan Respublikasının Prezidenti cənab İlham Əliyev tərəfindən keçirilən islahatlar nəticəsində iqtisadiyyatının bütün sahələrdə dinamik inkişaf müşahidə olunur, bir sıra problemlər mərhələli şəkildə öz həllini tapır. Bununla paralel olaraq, respublikamızın bütün guşələrində, o cümlədən Pirallahı rayonunda da genişmiqyaslı abadlıq-quruculuq işləri vüsət alıb.
     Dövlət Proqramı çərçivəsində Pirallahı qəsəbəsini Abşeron yarımadası ilə birləşdirəcək yeni avtomobil körpüsünün tikinti-quraşdırma işləri tamamlanmışdır və yeni  asfalt  örtüyü  çəkilmişdir. Pirallahı  rayonunda  avtomobil  körpüsünün  inşası  ilə  əlaqədar  kommunikasiya  xətləri  köçürülür, mövcud  köhnə   xətlər  yenisi  ilə  əvəz  olunur. O  cümlədən,  2100 m  uzunluğunda,  D=200 mm –lik  polietilen boru  ilə kanalizasiya  xəttinin  və  2500 m uzunluğunda,   D=500 mm-lik polietilen boru ilə  su  xəttinin   yenilənməsi  işləri  aparılmışdır.  Həmçinin   2300 m  uzunluğunda,  D=200 mm-lik  metal  boru ilə   qaz  xətti  yenilənmişdir.
    Azərbaycan Respublikasının Prezidenti cənab İlham Əliyevin “Bakı şəhəri Pirallahı rayonunun qəsəbədaxili avtomobil yollarının yenidən qurulması ilə bağlı tədbirlər haqqında Azərbaycan Respublikası Prezidentinin Sərəncamı”na uyğun olaraq, Pirallahı qəsəbəsinin daxilində ümumi uzunluğu 8,5 km olan mərkəzi yolda əsaslı təmir işləri davam etdirilir. Asfalt örtüyünün çəkilməsi işləri aparılır. Gecə işıqlandırması dirəklərinin və səki daşlarının quraşdırılması davam etdirilir. Yol kənarı torpaq qatı qazılaraq çıxarılır, əvəzində yol geyiminin əsası və asfalt örtüyün alt layı döşənərək hərəkət hissəsi genişləndirilir. Paralel olaraq mərkəzi yol boyu yeni müasir tipli avtobus dayanacaqlarının quraşdırılması, məhəllədaxili yollarda isə asfalt örtüyün çəkilməsi işləri yerinə yetirilir.
    Rayon  ərazisində  yerləşən  11 bina- 5 mərtəbəli, 3 bina- 4 mərtəbəli, 4 bina- 3 mərtəbəli,  12 bina - 2 mərtəbəli olmaqla 30   ədəd  yaşayış  binasının  fasadları və  dam  örtüklərində  təmir-tikinti  işləri  davam  etdirilir.
    K.Rzayev küçəsində ümumi sahəsi 1 hektara qədər olan ərazidə “Yaşıl park” adlandırılacaq yeni parkın  salınmasına başlanılmışdır. Hazırda parkın ərazisində landşaft kompozisiyalarının düzəldilməsi, yeni həmişəyaşıl və dekorativ ağacların əkilməsi işləri aparılır. Həmçinin parkda kölgəliklərin və uşaq oyun  meydançalarının quraşdırılması işləri  görülür. Bundan  əlavə  ərazidə  ticarət mərkəzinin inşasına  başlanılmışdır. S.Vurğun küçəsində yerləşən bazarda və ictimai iaşə obyektində yenidənqurma işləri davam etdirilir. S.Vurğun  küçəsi, 28-ci məhəllədə  postamentin tikinti-quraşdırma işləri tamamlanmış, üzərində gecə işıqları quraşdırılmışdır. Həmçinin Postamentin  üzərində  Azərbaycan Respublikasının  xəritəsi yerləşdirilmişdir. Rayon ərazisində 3 ədəd müasir tipli yeni transformator məntəqəsi tikilir, 5 ədəd transformator məntəqəsi isə təmir olunur. Həmçinin, mərkəzi yolda kommunikasiya xətlərinin keçirilməsi üçün nəzərdə tutulan gilizlərin (ehtiyat yeraltı keçid borular) quraşdırılması işləri davam etdirilir.
    Mərkəzi yol kənarında 29-cu məhəllədən başlayaraq Pirallahı İdman Zalının qarşısınadək yeni dekorativ hasarın inşası tamamlanmışdır. Hasarın başlanğıcında üstündə Azərbaycan Respublikasının dövlət  bayrağı və saat quraşdırılmış, hündürlüyü 9,8 m olan qüllənin inşası  yekunlaşdırılmışdır. S.Vurğun küçəsindəki hasarlara tarixi və müasir tikililərin rəsmləri işlənilir. 
M.Əzizbəyov küçəsində yağış sularının yoldan kənarlaşdırılması məqsədilə 250 m uzunluğunda 300 mm-lik yeni drenaj xəttin çəkilməsi işləri aparılır və bu işlərin digər ərazilərdə aparılması nəzərdə tutulmuşdur.