“Füzuli sən azadsan”adlı tədbirlər keçirilib
17 oktyabr 2022 | 16:56
17 oktyabr 2022-ci ildi tarixində Bakı şəhəri Pirallahı rayonunda fəaliyyət göstərən ümumtəhsil məktəblərində Füzuli rayonunun işğaldan azad olunmasının ikinci ildönümü ilə əlaqədar “Füzuli sən azadsan” başlıqlı tədbirlər keçirilmişdir. Tədbirlərdə dövlət himnimiz səsləndirildikdən sonra şəhidlərimizin müqəddəs ruhu bir dəqiqəlik sükutla yad edilmişdir.
Pirallahı Rayon İcra Hakimiyyəti başçısı Aparatının məsul əməkdaşları, pedaqoji kollektiv və məktəblilərin iştirakı ilə keçirilən tədbirlərdə çıxış edən natiqlər tərəfindən Füzuli şəhərinin işğaldan azad edilməsinin Vətən müharibəsinin gedişatında strateji əhəmiyyət kəsb etdiyi vurğulanmışdır. 2020-ci il sentyabrın 27-də başlayan və 44 gün davam edən əməliyyatlarda hərb tarixinə yenilik kimi düşən strategiya ortaya qoyan Azərbaycan Ordusu ən müasir silahlardan istifadə etməklə qısa müddətdə Ermənistan silahlı qüvvələrini darmadağın etdi, tarixi ədaləti bərpa edərək işğala son qoydu, torpaqlarımızı düşməndən geri aldı. 17 oktyabr 2020-ci ildə düşmən işğalından xilas olan Füzuli doğma sakinlərinə qucaq açmışdır.
Tədbirlərə şagirdlərin ifasında vətənpərvərlik şeirlərinin səslənməsi və Müzəffər Ali Baş Komandan İlham Əliyevin 44 günlük Vətən müharibəsi dövründə xalqa olan müraciətlərinə həsr olunmuş videoçarxların nümayişi ilə yekun vurulmuşdur.
Keçidlər
