Pirallahı rayonunda Zəfər Günü münasibətilə flaşmob keçirilib
05 noyabr 2022 | 13:14
05 noyabr 2022-ci il tarixdə Pirallahı Rayon İcra Hakimiyyətinin təşkilatçılığı ilə Zəfər Günü ilə əlaqədar flaşmob təşkil olunmuşdur. Rayon İcra Hakimiyyətinin inzibati binasının qarşısında yerləşən bayraq qülləsinin önündə keçirilən flaşmobda məktəblilər və könüllülər iştirak etmişdir. “Qarabağ sən azadsan !” şüarı əks olunmuş flaşmob böyük coşqu ilə qarşılanmışdır.
Üçrəngli bayrağımızın müşayiəti ilə Azərbaycan Respublikasının dövlət himni və “Qarabağ Azərbaycandır!”, “Eşq olsun qəhrəman Azərbaycan Ordusuna!”, “Şəhidlər ölməz, Vətən bölünməz!”, “Eşq olsun Müzəffər Ali Baş Komandana!”, “Zəfər bayramımız mübarək!” şüarları səsləndirildikdən sonra tədbir başa çatmışdır.
Tədbir çərçivəsində 4 saylı Uşaq-gənclər İnkişaf Mərkəzi tərəfindən “Zəfər günü” mövzusuna həsr olunmuş sərgi təşkil olunmuşdur.
Keçidlər
