Rayonumuzda “TEKNOFEST - 2024” texnologiya festivalının qalibləri ilə görüş keçirilmişdir
29 oktyabr 2024 | 17:39
Pirallahı rayonunda Türkiyənin Adana şəhərində keçirilən “TEKNOFEST - 2024” texnologiya festivalının qalibləri ilə görüş keçirilmişdir.
Bakı Şəhər Gənclər və İdman İdarəsinin təşkilatçılığı keçirilən tədbirdə Pirallahı Rayon İcra Hakimiyyəti başçısı Aparatının məsul əməkdaşları, Bakı Şəhər Gənclər və İdman İdarəsinin rəis müavini Elnarə Əliyeva, BŞGİİ-nin Pirallahı rayonu üzrə gənclər və idman sektorunun müdiri Vüqar Əliyev, müəllimlər və məktəblilər iştirak etmişlər.
Tədbirdə çıxış edən rəsmilər, gənclərin hər bir dövlətin və millətin gələcəyi olduğunu vurğulayaraq, onların sağlam mühitdə, əqidəli, vətənpərvər və məsuliyyətli bir vətəndaş kimi yetişməsinin hər kəsin arzusu olduğunu bildirmişlər. Qeyd edilib ki, “TEKNOFEST” texnologiya və innovasiya sahəsindəki ən önəmli festivallardan biridir. Bu tədbir gənclərin yaradıcılığını, innovativ ideyalarını və müasir texnologiyalara olan marağını nümayiş etdirmək üçün mükəmməl bir platformadır. Yekun olaraq, çıxışçılar gənclərlə qürur hissi keçirdiklərini ifadə edərək, onlara öz tövsiyələrini vermişlər.
Daha sonra qalib komandanın üzvləri çıxış edərək, uğur yollarından bəhs etmiş və bu yolda irəliləmək istəyən məktəblilərə tövsiyələrini təqdim ediblər.
Tədbirdən sonra Pirallahı Rayon İcra Hakimiyyəti başçısının birinci müavini Vəzir Səfixanov gənclərlə görüşərək, onları təbrik etmiş və komandanın nailiyyətlərinin davamlı olmasını arzu edib. Səmimi mühitdə keçirilən görüş xatirə şəkilinin çəkdirilməsi ilə sona çatıb.
Keçidlər
